Camiño da música

Mar, 16/03/2010

Sala Capitol, Santiago

Localización

Sala Capitol42° 52' 37.038" N, 8° 32' 36.834" W

Venda de entradas 

Entradas esgotadas

Patrocina 

www.yolatengo.com

www.xacobeoimporta.com

Yo La Tengo é unha das bandas americanas de indie rock máis representativas e influíntes do noso tempo.

Ira Kaplan e Georgia Hubley, un dúo de marido e muller, formaron a banda no ano 1984. A formación pasou por varias aliñacións ata establecerse co guitarrista Dave Schramm e co baixista Mike Lewis, cos que lanzaron a súa primeira gravación The River of  Water. En 1986 lanzan o seu primeiro LP, chamado Ride the Tiger, e cimentan a súa reputación co New Wave Hot Dogs de 1987.

Con novos cambios de formación, os seguintes lanzamentos (Painful no 1993, Electr-O-Pura no 1995 e I Can Hear the Heart Beating as One no 1997) marcaron un progreso sostido na banda, conseguindo un estilo persoal e versátil que inclúe algúns elementos del folk, punk rock, shoegazing pop, longas pasaxes instrumentais de orientación noise, e algunhas aproximacións á electrónica.

Painful foi tamén o inicio dunha fructífera relación co produtor Roger Moutenot, quen ten producido todos os álbumes de Yo la Tengo dende aquela: And Then Nothing Turned Itself Inside Out no 2000, Summer Sun no 2003, e I Am Not Afraid of You, and I Will Beat Your Ass no 2006.

Durante estes anos Yo la Tengo consolídase como banda de culto, e grazas ás constantes xiras e ao incondicional apoio da crítica, teñen chegado a ser a máis salientable banda americana de indie rock.