Seis días de compromiso intelectual e de diálogo cultural entre Oriente e Occidente. Esta é a proposta da V edición do Festival de Músicas Contemplativas de Santiago de Compostela. O obxectivo, igual que sempre, canalizar unha curiosidade, un tránsito do público asistente cara o descoñecido.

Agrupacións e solistas de Inglaterra, Vietnam, Francia, Mongolia, India, Exipto, Finlandia, Azerbaián, Irán, Italia, Uzbekistán e Estados Unidos convídannos a emprender unha viaxe sensorial, na que o pracer de escoitar diversas tradicións musicais se une ao deleite de contemplar a riqueza histórica e artística dos sete espazos históricos nos que se executarán os 15 concertos programados.

Nestes emblemáticos lugares abriranse novas pontes entre Europa, Asia e América para fomentar o coñecemento entre os pobos e as culturas a través dun diálogo musical aberto e plural, no que soarán o latín, el grego, o hebreo, o árabe ou o mongol, entre outras linguas.