XACOBEO IMPORTA é unha iniciativa de Xacobeo 2010 e o Ciclo Importa que ten como obxectivo achegar a artistas internacionais de referencia ao público galego.

 Unha programación regular, que engloba a grupos e artistas do circuíto independente , que nunca visitaron Galicia, ou que pola súa traxectoria, estilo ou relevancia, merecen ser presentados ao público galego en actuacións únicas e formatos especiais. 

O CICLO XACOBEO IMPORTA ofrece unha alternativa a eventos musicais de carácter masivo, cunha variedade de formatos (auditorios, teatros e salas), para gozar da música en óptimas condicións, apostando por unha posta en escena coidada e especial. 

Aínda que mantendo como centro da actividade a Santiago de Compostela, este ano o Ciclo avoga pola deslocalización e ”fai o camiño” por outras cidades como Vigo, A Coruña ou Pontevedra. 

A programación do CICLO XACOBEO IMPORTA aposta pola diversidade de estilos musicais, incorporando artistas próximos ao pop, á música folk, o rock máis adulto ou á fusión de músicas do mundo, dos mozos estadounidenses Vetiver a figuras consagradas como Joan Baez, ou ao crooner do século XXI, Richard Hawley.